Een Platt-Interview

Bremervöör. ANZEIGER: Leve Mire, woans sünd ji as junge Band vör meist 16 Johren dorto kamen, joon Musik op Plattdüütsch to maken?

Tüdelband: In’n Sommer 2009 heff ik Musikworkshops op de Oostseeinsel Fehmarn geven. Un as ik dor avends so an’n Strand sitten dee, dor kemen mitmal de Geist vun Heidi Kabel un de vun Jimi Hendrix tosamen. Över de Maten grote Gewidderwulken, Blitz un Donnerslag… Dat weer de Gebortsstunn vun Die Tu¨delband.

Schnackt ji privat mit Fründ:schen, Öllern un Familie ok (mal) Platt?

Jo, denn un wenn ku¨mmt dat wull mal vo¨r. Un bi’n „Klo¨nschnack achteran“, in’n Ansluss an uns Kunzerten, dor schnackt wi ok geern mal’n beten Platt mit de Lu¨u¨ d.

Vör twee Weken weer de ESC in Basel. Ji hebbt mal an’n vergliekboren Wettbewarf för Plattdüütsch deelnahmen, oder?

Dat is richtig. Wi hebbt 2022 in Tønder bi’t LIET Internatschonal Festival speelt un do¨rven dor Plattdu¨u¨tsch vertreden. Du¨sset Festival is so wat as de ESC, blots fo¨r Lu¨tt- un Minnerheitenspraken ut ganz Europa. Dat weer een dullet Fest fo¨r de Kultur un de Veelfalt. Hett bannig Spaaß maakt.

Woans lopen de Kunzerten in Däänmark un in’t Nedderland?

Wi su¨nd ju¨mmer öfter nich blots in’t noorddu¨u¨tsche Deepland, man ok in Da¨a¨nmark un noch fakener in’t Nedderland op Tour. Ok in’t Nedderland gifft’ plattdu¨u¨tsche/nedersaksische Dialekten. De no¨o¨mt sik denn to’n Bispeel Gronings oder Drents. Uns is dat wichtig, den Kontakt to uns Naverla¨nner to plegen. Un dat ku¨mmt ganz goot an.

Gifft dat’n Ünnerscheed twüschen dien Holstener Platt un Malte sien Dialekt oder de Variant, de in Bremervöör schnackt warrt?

Ik glo¨o¨v, dat gifft kloor Ünnerscheed twu¨schen de Dialekten, man de su¨nd wu¨rklich lu¨tt. Veel lu¨tter as de mehrsten Lu¨u¨d dinken. Oder anners utdru¨ckt: Wi ko¨o¨nt uns easy verstahn. In uns Song „Deine Oma“ heet dat doru¨m ok: „Dien Platt, mien Platt, schiet wat!“

2018 hebbt ji in Hesedorf speelt, 2021 in Klenkendörp, 2022 in Alfs. Welk Songs warrt wi dütmal in’t Ludwig-Harms-Huus hören? Titels vun’t aktuelle Album „Koppheister“? Welk vun „AHAB“, oder een Best of? Oder sünd dor al ganz niege Titels in’t Programm?

Jo. Jo. Jo. Kiekt eenfach vo¨rbi. Dat warrt seker een scho¨ne Avend mit veel Musik. Wat ganz Nieget hebbt wi fo¨r jo ok mit dorbi.

Dankschöön.