Die Darsteller:innen werden das Publikum zum Lachen bringen.
Bild: Eb
Selsingen. De plattdüütsche Laientheatergruppe „de Parnewinkeler“ speelt ok dit Johr wedder in de Aula vun de Grundschool im Sick in Selsingen.
Spielt warrt de Kömodie „De neegste Daam, desülve Herr“ vun Rolf Sperling. För de plattdüütsche Fassung hett Wolfgang Binder dat Stück översett.
Handlung
In dat Stück geiht dat üm Frieda Kluck, de mit ehrn Söhn Helmfried tosamen wahnt. He is en richtig Muttersöhnken, so as dat in’n Book steiht. Sien Broder Friedhelm is al vör langer Tied utzogen un hett sik in’t Still mit sien Fründin Ilka verlobt. Vör de Hochtiet will se nu endlich Friedhelms Familie kennenleern.
Friedhelm passt dat nich, dat sien Broder Helmfried anschienend noch Jung is – dor hett he en Idee. He stellt en Prostituierte an.
Mudder Frieda warrt de Huusarbet ondertussen to veel un se söcht dringen en Putzfro, de ehr de Arbeit afnimmt. Dor passt ehr de Noaber Hieronymus Timmermann ganz goot, de siet eniger Tied Brigitte Haas as Putzfro hett. Un wiel he mit ehr Arbeit bannig tofreden is, empfiehlt he se weer. Naenanner kamen de dree Froons in Friedas Wahnung, man keen is de, de se egentlich is.
Termine
De Aufföhrungen sünd an Sünnavend, den 7. März, un an Sünnavend, den 14. März, jeweels üm 20 Uhr. Dorbi kamen twee Aufföhrungen an’n Sünndag, den 8. März, un an’n Sünndag, den 15. März, jeweels üm 15 Uhr mit Koffie un Koken.
Koorten gifft dat in’n Vörverkauf bi „FEGAN – Fotos vom Feinsten“ in de Hauptstraat 20, to erreichen ünner 04284/82 56.
Zurück
Nach oben